衰左
係，今日個interview睇怕都係衰左架啦，我會令自己死心。
--
今日返左浸大拎學生證，拎住呢一張新既，同舊o個張，卡既size同background都係一樣，唔同既係張相，student number，major，同埋最重要既係，而家呢張寫住part-time。望住呢兩張野，個感覺都幾得意，既親切又興奮，仲諗返起好多好多以前o係浸大發生既事。唔知Master既生涯會o係點呢？下個星期就開學，好期待。
浸大終於將Bulletin整成CD啦，唔使好似以前咁，印一大本bulletin，每人派一本，鬼咁唔環保。真係要讚下AR，果然與時並進呀。
今日仲返舊Can食左個tea，個menu，D staff 同成個setting都唔同晒lu，坐o係入面，念返起以前，成日都買tea返SU食，o個時覺得呢間canteen既野真係幾好食架，D staff又nice，最緊要係平嘛，當然，o係舊校，要食野，其實無乜得揀。
不過今日俾我o係canteen發現在一樣野，o係SU個notice board上面，張招莊既poster，係我下莊出既o個一張，代表左三樣野
1. 之後無人做過招莊
2. 無人去移除呢張過左期幾年既poster
3. 唔怪得無人上啦，poster上面既contact person 都gra左啦，contact到都未必有用
--
夜晚同Thomas同小雲去左睇《不能說的秘密》，真係幾好睇，唔煽情但係好感人，搞到我一返黎就聽佢隻soundtrack，不過有一樣野真係唔work，周杰倫飾演中學生，真係令人好難投入套戲，另外一提，王秋生呢個配角真係好好戲，成為左成套戲令人好深刻既一個角色。
--
而家好燥，和記真係好廢，大家真係千祈千祈千祈唔好用，唔使錢都唔好用！
Labels: 學海無涯, 閒言閒語
又落雨……
又落雨…… 人地諗住去游水架嘛！！唯有去做gym，快D好天啦，我好想游水呀，我一定要考到拯溺牌！
--
玩Facebook又再一次印證世界真細小呢個事實，事緣我o係Facebook度發現在朋友A識一個我好耐之前已經識，我多之前已經封佢為short short地既人B，咁我八卦之下，睇下佢個friend list，竟然俾我發現佢識我個大學同學C，不過我同阿C唔熟，又唔想同B聯絡，所以無add B同C。
--
O係Thomas放假既呢個星期，我原來以為我會好得閒，點知…… 又要見工，又要去開會，又約左朋友食飯，世事就係咁架啦~~~
Labels: 閒言閒語
香港九龍新界一日遊
訓左四個鐘，然後今朝十點返到黎。
Download 返積左幾個月未download既歌，D歌手係咁出碟，就算揀完先要，我都download左幾個鐘，而家再繼續 =_=
有兩隻碟推介
1. 《不能說的秘密》電影原聲唱片
我仲未有機會去睇電影(應該都落架啦)，不過我半桶水鋼琴造詣既我，就好欣賞入面既音樂，我一向都無鍾意聽純piano多
2. 《一期一會》舞台劇原聲唱片
我相信唔係好多人有去睇《一期一會》，不過隻碟入面既歌好好聽，歌詞固然令人感慨，加上歌者觸動人心既聲音，成隻碟既歌都好令人感動，當然，我聽live時覺得正好多好多好多，場內好多人都忍唔受喊
好，講返今日既一日遊，用幾個鐘做左好多野之後，就去中原諗住睇一個我想睇既盤，俾我個朋友(都係做中原架，不過個人好老實)講中，中原真係謀人寺黎架，我前兩日send 左 e-mail去問，今日出門口之前都打左去問，佢地好肯定咁話我知個盤仲未租出去，而又可以即刻有得睇，我先出門口，點知，去到，佢地竟然話呢個盤無左，激死，又呃我！！做地產既真係信唔過，好嬲呀！！
之後因為有人遲到，我就o係荃灣行街，行到咁上下就出灣仔，點知有人又又遲到，結果我就o係灣仔周圍行，好熱好熱。
到五點，終於到啦，去左睇家居潮流博覽，無野睇既，下年唔會去lu。
之後，就去九龍灣，先去九展睇一個動漫展，雖然我唔係特別有興趣，好明顯係陪人去，不過去睇下都幾得意，亦好欣賞在場做生意既年輕人，好有創意，亦有唔錯既生意頭腦，最值得欣賞既係佢地實踐左佢地想做既野，望住佢地好落力咁叫賣，好有心機咁佈置，好認真咁去預備佢地既產品，真心祝願佢地可以有一次好好既經驗，最好緊係賺到錢啦。
九展之後，因為shuttle bus實在太太太多人啦，我地就行去MegaBox行下，B&Q真係唔錯，好多野睇，o岩晒鍾意行傢俱鋪既我，之後再去大眾行下，再周圍睇下，就去左food court 食野，一如所料咁多人，不過有樣好，food court 旁有live既冰上曲棍球睇，真係第一次咁樣食飯，都幾得意。
然後，我地又係行，行返去德福，跟住就返黎啦。行過謝瑞麟時，我終於記得去問下我隻唔o岩size，放左o係櫃桶底好耐，又無戴過既介指，原來整個ring size，由於我無單，係要錢架…… 我一直都以為，話晒都鑽介呀，應該有好好既after-sale service，免費整架嘛，我記得我幾年前拎去整係唔使錢架，不過當年有單既，鬼叫張單唔o係我手。既然要錢，我又未諗到有乜野機會要戴，再拖下先啦，諗住拎出黎戴先拎去整啦。或者等我問下可唔可以賣返俾佢，再買過第二隻先，得就好啦，hee hee
就係咁樣，我今日既路線係：觀塘 à 大窩口 à 荃灣 à 灣仔 à 九龍灣 à 大窩口，我都覺得自己好厲害，哈哈……
Labels: 閒言閒語, 音樂天地
沈迷
最近好多blogger都玩Facebook，加上成日都有人invite 我join，結果，我開左account，仲沈迷緊，死未！
--
唔夠訓，wing wing 地呀而家~~~~~~
--
出事，真係令我又愛又恨，我都諗過會係咁，不過我都知，因為咁樣，我對熊貓眼好快就會追過安安佳佳。無計，妙手仁心真係好好睇！好在佢得三輯，而且，第三輯我好似有download，不過唔記得有無delete到。如果大家有呢套劇，請聯絡我，等我唔使晚晚追電視…… 我而家收返，我唔會沈迷睇電視呢句說話。
無綫電視翡翠台 TVB 2007年09月03日 ( 星期一 )
午夜 00:00 太子珠寶鐘錶特約 : 瞬間看地球 及 今日財經 (S)
00:10 宣傳易
00:15 妙手仁心II (重播)(S)(PG19L)
01:20 宣傳易
01:30 娛樂直播 (重播)
Labels: 閒言閒語
O晒咀
今日有篇咁既新聞
近半單身女性 接受18歲初夜 (星島) 08月 24日 星期五 06:30AM
(星島日報 報道)男女平等社會下，單身女性對性態度也愈趨開放。一項調查發現，一成女性受訪者接受在十七歲或以下發生首次性行為，四成七則認為最少都要十八歲；超過五成半女性認為一生至少有兩名性伴侶。調查又發現，大部分對避孕丸功效及副作用存在誤解。
港大民意研究計畫於上月至本月期間，訪問了五百零二名年齡介乎十八至四十歲的單身女性。調查顯示，近五成女性接受最早性行為年齡為十八歲，接受十七至十五歲合共有一成，較有趣是只有百分之三認為結婚後才可進行性行為，反映女性對性態度日漸開放。
調查亦發現，六成受訪者認為女性一星期內有多於一次性行為才是正常，七成三則認為性行為帶來滿足感對女性重要，學歷愈高的受訪者，要求也愈高；相信與她們學歷高，對任何要求也高有關。
此外，調查指出，一成七人誤解安全套只可作避孕，四成六更誤以為安全套的避孕功效，較口服避孕丸差，超過八成五受訪者更認為口服避孕丸會對健康構成影響。
婦產科專科醫生李福謙表示，口服避孕丸的避孕成效比安全套高，避孕丸失敗率界乎百分零點二至三、安全程度超過九成九，安全套失敗率則介乎百分之二至十五。李醫生續指，現今第四代口服避孕丸在成分已大大改善，有效消除雌激素引起的水腫及肥伴問題。
我真係O晒咀……我一向都覺得呢D個人取向既野，我絕對尊重唔同人既選擇，我亦唔覺得有對錯之分，不過，我諗就算我唔係基督徒，我都依然會係o個較有趣既百分之三。原來，世界真係變得好快，特別係香港。
--
出智慧齒，好痛好痛，吐口水拉到牙肉都好痛，搞到我唔想食野，又唔想講野，唉…… 之前牙醫仲話我四隻智慧齒會生齊，而家第一隻連少少牙都未見到，已經痛到我咁樣，點算呀…… 我對我既IQ好滿足架啦，可唔可以唔好出智慧齒呀……
我第一次體會到 – 牙痛慘過大病！
Labels: 閒言閒語
雜感
睇電視
我一向也不是電視迷，家中更沒有安裝任何收費電視。不過，最近，無線在凌晨時份再重播妙手仁心（我印象中，好像以前重播過的），令我短暫成為電視迷，同時讓我發現自己變了。
不知從哪時開始，每一節完結，我便會立即拿著遙控器左按按右看看，很本能的動作，不需思索，只是很自然的做出這個動作，目的就只是不想看廣告，但又會不時轉回無線，生怕錯過一丁點的內容。
我突然在想，到底我甚麼時候開始有這個習慣，又不知其他人會否跟我一樣，會有這個習慣，特別是現在香港收費電視頻道多得驚人，要避過悶人的電視廣告，其實一點也不難。
我記得，以前，無線跟亞線的廣告時間是同步的，當年英語水平未夠的我（當然，現在也不見得好），只好默默的等那討厭的廣告時段過去，放棄轉台。
如果香港有很多人跟我一樣有這個習慣，哪個蠢材還會花錢在電視廣告上呢？電視廣告動輒五六位數字的，黃金時段的廣告，更是價高者得。
如果電視可以無廣告，我可能會多點看電視，我只是說可能，或者會或者唔會。
--
選舉
在今年內，將有港島區立法會議席補選及全港的區議會選舉。
先說港島區立法會議席補選，雖然還未知道有誰會參加，不過已有朋友找我幫忙，不過現在真的言之尚早，待知道有誰參加再想想吧。我仍然記得那一個暑假，因為立法會選舉，我參加了選舉減肥工程，輕了十磅，而且，急速衰老，還有還有，最最重要的是，令我成為夜貓子，到現在也改不了呀！
至於區議會選舉，有朋友找我幫忙做助選，更有朋友找我當選舉經理 =_=!，說實在，看到朋友參選，真的很想幫忙，也真心的支持他們（左派另計，那些不再是朋友），幫忙不是問題，只是我擔心自己未能分身，四年前的選舉日，我忙得沒有回來自己的選區投票…… 我十八歲立即登記做選民，就是為了可以投票，最後卻沒有投票，唉……
簡單的助選或智囊工作不是問題，反正駕輕就熟，反而是否擔上選舉經理一職，真的要好好考慮。我四年前說過，這種職位，一是用錢去解決，若不想破財，一定要找一個雙失的好朋友擔當，因為真的是很很很很很很辛苦，勞心勞力的。這一次，開口要求幫忙的朋友，在四年前，幫了我很大的忙，怎麼說，我也欠他一個人情，不過真的要認真考慮一下，給我一點時間……
--
急救
終於考完啦，唔知得唔得呢？
唔理lu，考完就算啦~~
--
揾屋
好難搞…… 因為…… 無人放盤……
到底幾時先揾到呀…… 我好想快D可以做下獨居青年呀……
Labels: 閒言閒語
可愛兔仔
由細到大，大家都覺得兔仔好可愛好純良，以前仲有好多人會養兔仔做寵物，我記得我細個時，我表哥屋企都有隻白兔仔。
不過，原來，係世界既另一邊，o係地中海等地，兔仔係佳餚，兔仔跟我們的豬牛羊一樣都是美食的材料。
講咁多野，到底我想講乜？入正題，今天晚上，我獻出了第一次 – 食兔仔。唔好問題好唔好食，我無乜印象，反而仍然回味當晚的蟹及羊。
雖然味道沒有令我有太大感覺，不過第一次食兔仔既經驗真係好深刻好難忘，我諗我以後都會記得呢一次。
附上大廚背影
Labels: 閒言閒語
經典
要好好記住呢一日。
大家唔使擔心，我一向有自己一貫既投資 方向同原則，加上運氣，係高位時減持，而家手上既股票，仲有三隻，有一隻收息股，亦係我一生人中第一隻買既股票，唔諗住放，另外兩隻一直諗住放長線。所 以，由兩星期前，我已經無理個市，反正升同趺，都唔係好關我事。不過話得說回頭，我係諗住等佢再趺下，再考慮入返D。
喜宴
今年一定係好年，話說我今年先廿二歲（得啦，我知我個樣點睇都唔止廿二，不過我真係得廿二歲，你唔恨得咁多），身邊人理應沒那麼快結婚，我也應該未成為紅色炸彈的目標。
現實卻是，我的朋友，特別係相熟既，都比我年紀大，大家陸陸續續結婚，我年終真係收好多紅色 / 金色炸彈，仲要我通常都係識個新郎，結果，連餅都無得食。而我又總會向他們要求要吃嫁女餅，卻又發現，這個年頭，無乜人會預備嫁女餅架。
亂講完一輪，入正題。
其實我想講下今年身邊朋友結婚時，我既感受。因為今年感受特別深刻，
第一，是前度男友，他是唯一一個分手後，在我的好朋友名單上完全消失的一個，無他，因為我倆分手時，你對我太差，不是太絕，而是太差，我會說，很賤格。不過，事過景遷，如果當時沒有分手，我又不會跟Thomas走在一起，計起黎，我都賺左。不過由於當年我倆在結婚及相處問題上膠著，冷戰之際，他又遇上一個未拍拖就說願意結婚，又會走上他家下廚洗碗執屋的人，最後就因為這個第三者，我宣告失戀。然後，他倆很快便結婚，他們當然沒有通知我，只是我身邊的朋友都紛紛告知我，而他們又成為了第一對在香港沙灘上行婚禮的新人，有很多報導，我有每天閱報的習慣，很難不知道的。老實說，對於這位前男友結婚，我是沒茫然感覺的，大家以為我會有既妒忌惋惜傷心無奈，唔好意思，真係全部都無，看新聞的時候，因為還未知道主角是他們，我記得我還跟友人說：「嘩，好低B，咁鬼熱，結婚都搞得咁傻仔既？」，哈哈。我想我唯有的感覺是慶幸我再沒有跟他聯絡，那我便不用破財，好似很冷血，卻又是實事，人總有陰暗面的。
第二，都係前男友，不過我倆一起的時間很短，分開後，我們仍是很好的朋友。記得在我倆分手後不久，他便遇上現在的妻子，他跟我訴說他們相識故事時，我真的衷心的祝賀他們。而在他倆交往時，我經常催促他們結婚，哈哈。他們的婚宴，雖然很簡單，安排也不是十分好，但其實一點也不重要，重要的是，在座的每一位，都帶著興奮的心情祝福他倆。
第三，我認識的也是新郎，是一位認識於中學時期，一同捱過高考日子的好朋友，得知他結婚時，我是十分興奮的，因為我知道他們經歷了很多事，經過了七年時間，才能走在一起，而他們將來要走的路，也比一般人的難走，他們決定攜手面對，在未來的路上走出兩對足印，這份情，已十分珍貴。加上我認識新郎已有多年，看到好朋友找到另一半，共諧連理，當然讓我樂上好幾天，所以當新郎忙得不可開交時，我樂意幫他完成派喜帖及確定出席人數的任務。最令人難忘的是在婚宴上，二人的說話感動了在場的賓客，超過一半的人也忍不住笑著流淚。還記得在婚宴上，新郎嚷著要跟我拖著手合照，更要我給他一個擁抱(不用擔心，我跟新娘也認識的，不會有任何誤會)，我也沒有拒絕，希望那一個擁抱，可以舒緩一下他緊張的心情。那一個晚上，我全晚也心情興奮，望著他倆，除了衷心的祝福，還有感動。這一次的喜宴，是我印象最深刻最感動的一次。現在，我期待著他倆給我的滿月喜帖，情況就像這幾年我不時問他甚麼時候結婚一樣，不過他說，要等下先…… 即係話，我有排都未有得做契媽，無BB玩~~
看著朋友找到生命中的另一半，那一份喜悅，真係難以形容，我會好好記住這份感覺，等待下一次。
--
唔好問幾時輪到我，一定無咁快，唔使儲定錢，除非你諗住送份厚禮，咁又另計。
--
突然想起一個很多年前已經發現的問題，他朝一日我結婚，我未必找得到姊妹團，反而很多男性朋友一直表示有興趣做兄弟，你話點算……
Labels: 閒言閒語
香．港
曾經，我很喜歡香港，以身為香港人為傲，聽著看著很多盛讚我們的文章和報導，那時候，土身土長的我，以為身為香港人，真的是一種榮幸。
後來，成長了，開始關心了解社會，二千年立法會選舉成為助選團，每天去「洗樓」，看著各政黨的運作，有的大灑金錢，有的默默耕耘，但選舉結果，只跟候選人的荷包和面皮厚度成正比，記得我在會展點票廳中，很失望。
然後，二零零三年，埋身接觸選舉，被對手用錢聘請的黑幫人士恐嚇，粗口問候都是等閒。我清楚記得，婆婆對我說，有人上門給她現金，「教導」她投票，那一刻，我才知道，原來黑金政治不是台灣的特色。
又然後，二零零四年選舉，我興奮的問友人，這一次的立法會選舉，香港青年協會還會否像二千年一樣，舉辦課程，讓年青人多認識多參與，換來卻是令人失望的答案，理由是民建聯向他們施壓，認為既然民建聯有有足夠人力財力應付選舉，那些課程，雖然會派相同的人數到不同候選名單參與選舉工程，但在民建聯眼中，卻是幫助了財力人力不足的民主派。就是這個原因，BC01這個課程，是第一個，也是最後一個。
再想起，以前香港人已多，現在卻多了很多很多從內地湧到香港的人，我不是歧視他們，我更有參加協助新移民的義工服務，幫助他們。但事實擺在眼前，我每天看到我以前從未想像過會每天目睹的情況：隨地吐啖，在洗手間洗手盤小解，在地鐵站向路軌小解，還有很多永不會排隊，還會鬆掙把一早已在排隊的我推開。現在，我覺得街上很恐怖。
到了近年，天星及皇后，令我發現，原來我的思想模式跟那不是我選出來的政府有很大差別。正如國家地理雜誌有關香港回歸的特輯以「just follow the money」作結，道出政府的路向。政府只會向金燦燦的錢走時，我切切實實感受到未有普選，身為市民的我，除了無奈，還是無奈。
無論在世貿或天星時，當我面對警察時，我明白他們只是執行職務，我卻仿佛看到他們手腳上被不斷拉扯的線，和坐在辦公室中面對猙獰的官員。
現在的生活，好像只是每天為自己的生活奔馳，社會的大小事務，好像離開愈來愈遠，我曾經努力過，希望表達意見，希望令社會更好，但原來，在政府來說，最好的市民就只是準時交稅，每天忙得沒有時間發表意見的人。
漸漸，我愈來愈不喜歡香港。
在日常生活中，總不時遇到要填上國藉一欄的時候。以前，我會填香港，很神氣的。後來，入境處職員說，不可只填香港，我會被逼寫中國香港，不是被逼時，我會跳過這一欄。這一刻，我連中國香港也不會填在這一欄中。
香港回歸那一年，我只是一個中二的女生，根本不知道發生甚麼事，卻不知道那來的強烈感覺，認為香港還是繼續成為英國殖民地比較好，慢慢，這個念頭被人痛罵了很多次，慢慢連自己也沒有再想。
只是最近，身處香港，我感到無助無奈灰心失望痛心悲傷，我想再說一遍，這一刻，我認為香港還是應該繼續成為英國殖民地！
讓我做一個這樣的夢也好……
Labels: 隨便講
慶幸與遺憾
這兩種感覺同時出現，實在是有些矛盾。
慶幸我沒有放棄我還想爭取的，在二零零七年七月三十一日晚上，至八月一日清晨，跟相識的不相識的，一同在皇后碼頭靜坐唱歌，然後在地上徐徐入睡。在八月一日清晨，被陽光喚醒，在皇后碼頭上，看著太陽慢慢從海上升起，看到剛甦醒的天空，還有被灑上金光的維港。雖然睡得很差，心情卻十分興奮，看看身邊的人，慢慢掙開惺忪眼睛，繼續為皇后碼頭努力，真的很感動。
遺憾，我沒有在皇后留守到最後一刻，沒有跟大家一向面對清場的時刻。真的很遺憾，感覺很強烈，甚至有點痛心。如果讓我選擇多一次，我一定會帶著一身臭汗和一身的酸痛，堅定的面對清場，陪著不幸的皇后碼頭走過最後的一段路。在新聞中看到有關片段，看完一小段，心跟腦也很累……
Labels: 隨便講
