博盡
而家係凌晨四點啦。我而家係Greenpeace office 預備緊下星期四既Solar Festival. 有Henry, Will, Don, Hing 同我一齊, 套用Henry所講，我地真係博盡。緊係啦，Solar Festival真係一個好大型既活動，係我既領導下，大家都好努力。哈哈哈哈，講下啫，其實係佢地成班都好熱心，好肯捱，有D人當然走左啦，咁夜啦，但係見到佢地四個都咁博，我身為P既，點可以唔陪佢地呢。真係好多謝佢地架，佢地對我既諒解同支持，真係無得頂。雖然佢地成日玩我，笑我，打我，但係我都知佢地係好好人架。可以同佢地合作，真係好開心。對住佢地，好多時都會好感動，當然，最常見既情況都係我笑到流晒眼水啦，佢地真係超級好笑。同佢地一齊既時候，基本上我都講唔到野，因為通常我都係笑到講唔到野o個個。
我講過，過左Solar Festival，開完e會，我地一定要休會半個月。哈哈哈哈
而家除左我地四個之外，仲有毒王係度，不過佢已經訓左啦，佢真係好好笑，住係office咁，有晒衫褲鞋襪乜都有齊係度，佢頭先出左去，跟住就返黎沖涼洗面訓覺，俾佢激死。不過都要多謝佢，唔係有佢呢個看更係度，我地都唔可以係度做野做通宵。
今晚我仲發現一樣野，就係原來毒王同歌利亞一樣，都係香港大學學生會前會長，估唔到。毒王真係比我想像中仲犀利，須知道，我之前已經覺得佢係極之犀利架啦.
我終於明白點解Alice話好多人覺得Greenpeace係一個精英既組織，因為呢度既人，全部都真係精英。同佢地合作，真係學到好多野，經歷到好多。
呢排真係好忙呀，好多野做呀，多野做到我覺得，即使我完全唔訓，我都係做唔晒架。唯有訓少D，做野做快D啦，快D過左Solar Festival，就會輕鬆D啦。Solar Festival一定唔可以有任何差池呀，我地所有人都擺左太多時間同心機落去啦。
好啦，我又要繼續努力啦。Solar Campus，加油呀!!!!!!!!!!
advertisement : http://www.greenpeace.org.hk/chi/solarcampus/
posted by Michelle 阿米 @ 2/13/2005 03:49:00 am
0 Comments:
Post a Comment
<< Home